7月17日

原本諗住九點幾起身去喝早茶，不過因為個個都好懶睡，所以全部十點幾先身起，梳洗完、收拾埋行李、checkout都成十一點幾，所以決定去食lunch。去左間專賣腸粉的舖頭，果度的牛肉腸係最好味。食完lunch就坐地鐵去歡樂谷，深圳的地鐵係要買綠色的膠幣，當你入閘時將個膠幣，係部機上嘟一嘟，就可以入閘，當出閘果陣時將佢個幣入返落佢部機，就可以出閘，真是幾得意。地鐵的車廂跟足香港果d，就連標誌都係係中間加多一棟。出左地鐵行左十幾分鐘，終於到左目的地啦~ 嘩!歡樂谷真係好大，應該大概有海洋公園的二倍。

一入到去咁熱，緊係要即刻去瑪雅水公園玩。一入去見到做個人造浪池，d浪拍埋過黎身體又清涼又舒服。之後我地一個一個水上設施玩，最尾發現蟒蛇滑道是最好玩，一開始要係地面攞一個巨型水泡，之後行上三至四樓高，係條水道滑落黎，仲要係有離心力，真是好刺激。玩到咁上下，係時候換返衫去玩機動遊戲，不過都係太大，有太多野玩，所以唯有選擇式去玩。去主題公園玩，一定唔少得唔玩過山車。所以定玩左礦山車，不過呢隻過出車無離心力，淨係識係中途加速，所以唔係覺得太刺激。之後去再左完美風暴，呢隻係一個會360度旋轉的機動遊戲，初頭未玩果陣時會覺得好似會好暈，不過如果玩過G-Force就會覺得呢個唔夠高又唔夠快。最後就係玩左全個公園最刺激的過山車-雪山飛龍，呢隻係一隻懸掛式的過山車，睇到坐係上面d人又轉圈又加速，望到都驚左三分，仲要得我自己一個人玩，攪到一開車就已經好怯。但是當開車之後，感覺到十分刺激，前所無有的快感都湧曬出黎，不過呢個遊戲的缺點就係太快完，全程加埋都唔駛一分鐘，真係有d到喉唔到肺的感覺。玩完啦，好肚餓啦，再坐返地鐵出東門填飽個肚。今餐dinner落左去美食坊，食湘菜，大概都滿意，不過都係食唔慣d味。食飽飽之後緊係要去做返尋日無做的推拿。個推拿師父好pro，佢見左我頸椎同肩膀好緊，就知我成日烏低個頭睇書同打電腦，佢話如果再係咁就要成日上黎搥骨，不過果度d檸檬茶有五花茶的味道同埋環境錯左d。槌完骨就要走離開東門，離開深圳，臨走果度時好奇心一使，好想試下炸鵪鶉，咁決定買一隻黎試。

雖然有丁點兒殘忍，不過只此一次。之後就坐的士去羅湖，係羅湖過關坐火車返旺角，之後轉小巴返屋企。

7月16日

今日約左哥哥同佢女朋友返深圳的東門玩，自從細細個返過一次去，就已經好耐都無返去，心情既緊張又興奮。首先，坐火車去到上水，之後再坐巴士去到落馬洲。過關都係快，一分鐘之都唔駛就過到。之後仲有專車車我地去到東門。東門又大又多人，係果度仲見到好多香港成日都可以見到的快餐店。到左東門就係12點幾，仲未夠鐘去酒店checkin，咁唯有行一陣街口乾，就去買返支罐裝雀巢檸檬茶飲，不過d雀巢檸檬茶根本就係康師父冰紅茶黎，比人呃左，仲要係第一次難喝到喝左半個鐘先喝得曬。東門d街好似，一開始好似圍著條街係咁兜圈，行左幾次之後，終於認得路。行左一陣街，見有d首先緊係去行下影音店，買下DVD。嘩~DVD好平5蚊人仔一隻，仲要連而家上緊畫的電影都有，不過正所謂一分錢一分貨，睇佢咁平都係D畫質都唔方好得去邊。之後就行左幾間買飾物就發覺夠鐘，所以就坐的士返酒店，原來間酒店同東門隔一條街，都係估都估唔到咁近。呢一間雖然係一間4星級酒店，不過非常靚同設施都幾齊全。係房擺底左行理之後，就出返東門食午飯。間間食肆都好平好抵，最後見到有一間餐廳個下午茶餐好似好抵食，就揀呢間啦，一入到去見到個環境都幾黑，仲要播埋d N年前的舊情，但是又有千秋櫈住，心諗唔會係黑店掛。d食物一黎到，就聞到d怪味，d香菇意粉仲有勁重的草菇味，真係唔係人食。入到黎坐埋都唔夠3個字，就已經要賣單走人，都係決定去第2間再食過。今次呢間好好多，唔單止有d人氣仲光猛好多，d野食都係好平，不過d抄菜就貴左d。今次大家都食得好滿意。之後就去試下國產的珍珠奶茶，都係台式的唔同完全唔係果種味道，都係好難接受。而家落去緊係要繼續行街買野啦!行行下發現間九龍城商場，好好奇所以入去行下。一入去d人係咁sale我地去整甲，仲要跟足全程，真是有d煩，不過就幾有恆心。見d人咁有耐性，就成全佢的好意。當我哥哥的女朋友係度整緊甲的時候，我同我哥哥決定去紋身。以前會覺得紋身果d多數係壞人，不過我承認我都係壞人，好彩我紋左係頸後面，無必要時都可以唔露比你睇。

紋完身返去左百街準備我地夜晚的消夜，不過深圳d店員手腳都係十分慢，比著平時咁的速度，香港的店員可能已經做左3~4個客。買齊日用品後，返酒店放低曬d野，就準備出發去食晚餐。呢餐應該係最豐富的一餐，我地去左食新鮮餐，見到一碟碟新鮮的海鮮，真是令人垂涎三尺。食完晚餐後，當然要再去行街買野，買完野之後，返酒店的健身室做gym，出完成身汗之後，緊係要去做腳底按摩，因為聽日要早起身，所以做唔到全身推拿。做按摩師係咁撩我地講經濟，都唔知點解佢地咁鐘意香港的經濟。按摩完就返酒店洗白白訓覺啦!

07年7月8日

今日原本要返工，不過最尾就請左假去wildcamp，因為去wildcamp仲好過返工。

朝早9點約左搶灘小組去食早飯，不過我遲左5分鐘，係度同佢地Say Sorry!!!

等左一陣confirm d人到齊左，就去大家樂食早餐。

入到大家樂發現原來都幾多人，等左一陣間先有位坐，仲要係分開坐。

食食下，當大家就黎食完果陣Dara妹妹就打瀉左杯野喝，好彩無人中招。

之後就去左買水，大家加加埋埋買左成幾L水，個個都驚唔夠水喝。

我自己都買左1.5L的水。

之後就拉隊一齊返社，不過我地返到去，仲未有人開門比我地，11樓真係又熱又焗!

好彩小哲係唔夠5分鐘之後返到黎。我地就快手快樓咁將d物資搬落樓。

等左半個鐘架物資車都未到，我地等得好唔耐煩，點解咁耐都未到。

個司機仲要講就到就到，真係好想鬧佢。大熱天時，成十幾個人等一架車。

十幾分鐘之後，架車終於到啦~原本個司機的接收能力有問題，攪左勁耐先去到社的樓下。

我地幫手搬完物資上架車之後，就開始坐地鐵再轉小巴落西貢。

係坐地鐵中途Peter，講左一個關於彩虹地鐵中間的鬼故。

初頭以為佢認真，所以好留心聽，但是見到佢一路講一路笑，先知咩事。

最後，佢真係想講笑話.......不過大家都一頭霧水唔知佢想講咩!!!

到左西貢市中心逗留左一陣，買左d野，之後就坐巴士去西貢碼頭。

到左碼頭，我地就揀左架細船去灣仔，不過細船的下艙無冷氣，焗到嘔。

個個都爭住坐係個係個冷氣機前面。係嫁船度係收唔到3嫁，想打電話都唔得。

到左灣仔啦~我地排左條長蛇陣，將d物資由船搬到去亭。

一去到就見到其他人開始執野走，成個灣仔得我地。

要開始搶攤小組的第一個任務-起營。嘩!估唔到我地都幾快人，

一陣間就起曬d 4人營。係呢個時間我地的午餐都煮好啦!!!

一煲通心粉，不過我都係覺得太單調，所以想叫佢地烚埋d丸落去。

食完美味的午餐，繼續開始起營。一開始起8人營就慢左少少，因為要落營釘。

不過最尾發現原來唔夠營骨，所以就要左攞一支加攞一支。

最尾發現仲有二個A字營，係無人識起，所以就暫時擺低，去食下午荼。

下午茶其實係中午食唔曬的通心粉。之後我地一路坐係海邊吹海風，一路食下午茶。

食完之後出現左一罐椰果做甜品，大家都唔客氣咁一人一啖。

食完飯緊係要做下運動啦!!!大L教左我地一個新遊戲，雖然唔知叫咩名，

不過係考我地的認心同一致性。大家都好落力玩，中途仲有唔少人係咁錯。

玩完啦~係呢個時候Kimmy媽同Cynthia舅父都到左啦!

原本Kimmy媽識起A字營嫁~佢好叻呀!!!

之後我地又再次拋入返我地的工作繼續起營。有Kimmy媽的指導，A字營好快就有左個型，

不過由於灣仔d石地比較多，所以揀位落營釘，係最花我地的時間。

係呢個時間，包包媽媽係灣仔出現呀!!!都係估唔到佢會係度出現，

原來佢約左人去唔知邊度燒野食，咁知道我地係灣仔就過黎探下我地。

原本歡送佢走，但之後佢再返黎同我地影相。差d唔記得咁重要的事。

包包媽媽走左之後，我地又繼續起營啦!過左幾個字之後終於起好左個A字營啦!

正當想起埋第二個的時間，領航員就到啦!!!

好啦~其餘果d就交返比大會繼續起啦!!!

雙紫!!!...神的原本組爸Jason因為有特別野要做，所以要早走。

原本係搶灘之後，就唔知做咩的我，決定落組做雙紫!!!...神的組爸。

一入落組，我同Cynthia其實都幾驚融入唔到雙紫!!!...神，

不過Joanne話我地知雙紫!!!...神好鐘意玩椰林樹影，咁就一齊同大家玩啦!

雙紫!!!...神簡直係創意無限，我都未玩過有咁多野的椰林樹影，差d跟唔上添。

快樂的時光特別快，我地玩左一陣就要開始寫晚餐啦!

一開始大家唔知係唔係去完daycamp之後好攰，叫開爐煮野食又無咩反應，

叫大家去裝水又無反應。咁我就示範下點樣開爐，等大家精神d啦!

起左個爐啦，不過大家繼續無咩反應。咁就叫大家去分工煮野食，講多二講，

終於有人去裝水啦!Yeah!!!辛苦成日，有晚餐食啦!

見到大家d餐具唔夠，咁為有分開食，唔係一齊食飯會開心好多。

眼見仔仔囡囡食得咁快，都知佢地好肚餓，不過佢地竟然問我地一唔一齊食?

果陣時真係好開心，仲要係佢地煮比我地三個人食，多謝曬你地呀!

如果唔係有你地d面，我地成晚都無野食落肚，仲要餓住黎行夜行。

見到佢地咁乖，又未食得飯，咁就一齊玩"福爾摩斯"黎消磨下時間啦!!!

雖然個故事有d不切實際，大家都好積極參與，無令到我冷場。

食完飯啦!當然要洗野啦!但是我地又無帶洗潔精，咁就同其他組借。

去到亭，見到Peter，咁就想問佢借，點知佢同仔仔囡囡有小小過節，不過了解返原來係小事。

呢個時間健爸就出現保護Peter，咁就為有改變目標。

健爸我係知我唔岩~不過我都係想借洗潔精啫!

雖然最後都係失敗左，問大會借，不過我地下次可以再問其他人借。

洗完碗後，我地就繼續為雙紫!!!...神諗口號。大家都非常同意用

"超精神，勁醒神，祝大家龍馬精神, 我地係雙紫!!!....神"

一個超正的口號，其他組都無咁有氣勢。

好啦~開始夜行前聽下大家有咩期望，原本大家都唔係幾驚。

開始行啦~點可以唔少得唱歌呀!唔唱歌我會好驚，所以唱得最大聲係我。

不過唔好意思呀~攪到d訊息傳唔到。熄左燈啦~睇唔到周圍d野都無咁驚。

係中途竟然殺出隻牛，好彩無嚇親佢地。

之後就玩朦眼啦!見大家都好小心行，都好照顧隔離，互相扶持，都係好好，

係果一刻真係好想落埋去同佢地玩埋一份。唔知下次仲有無機會呢?!

之後聽返佢地的sharing，我知佢地真是進步好多，由一開始只係自己顧自己，

去到夜行中，互相照顧，互相信賴，對於我地黎講呢個係最大的安慰。

雖然大家都仲未識得運用自己的長處互相幫助，不過係要慢慢學習。

開sharing中途比健爸叫停去開E，好想再多d時間，聽下你地講的感受呀!

開完E之後，大家就去沖涼之後去傾下閒計。快樂的一日就咁就過去左。